Paul Desiderio ng Blackwater iimbestigahan ng PBA matapos ibunyag ng dating partner ang kaniyang pang-aabuso
Iimbestigahan ng PBA ang akusasyon ng pang-aabuso laban sa Blackwater Player na si Paul Desiderio.
Ito ay makaraang ibunyag ng dating partner ng ni Desiderio na si Agatha Uvero na nakararanas siya ng emosyonal at physical abuse noong sila ay nagsasama pa.
Si Uvero ay dating UAAP courtside reporter.
Ayon kay Uvero nakaranas siya ng pananakal, suntok, sipa at inihampas siya sa pader ni Desiderio.
Sinabi ni Uvero na sa ngayon ay magkahiwalay na sila ni Desiderio.
Ayon sa pahayag ng PBA, hindi kukunsintihin ng liga ang anumang uri ng domestic abuse.
Bibigyan umano ng seryosong atensyon ang akusasyon laban sa player.
Sinabi ng PBA na magsasagawa sila ng imbestigasyon at maglalabas ng resolusyon.
Kumpiyansa ang PBA na makikipagtulungan ang management ng Blackwater sa isasagawang imbestigasyon. (DDC)
