DFA ginunita ang ika-anim na taon matapos ang paborableng desisyon sa South China Sea Arbitration
Pinal na ang pagkakapanalo ng Pilipinas sa usapin sa teritoryo sa South China Sea.
Ayon kay Foreign Affairs Sec. Enrique Manalo, ang desisyon ng international tribunal na nagbabasura sa nine-dash claim ng China ay hindi maaaring itanggi ng sinuman.
Ang pahayag ay ginawa ni Manalo anim na taon matapos mai-award ang South China Sea Arbitration.
Sa nasabing pasya ayon kay Manalo, pinagtibay ang sovereign rights at jurisdiction ng Pilipinas sa exclusive economic zone nito.
Ayon kay Manalo ang nasabing pasya ng arbitral tribunal ay hindi na puwedeng itanggi at tutulan. (DDC)
