Paghahain ng aplikasyon para sa 2022 Bar exam pinalawig ng SC
Pinalawig ng Korte Suprema ang paghahain ng aplikasyon para sa mga kukuha ng 2022 Bar Examination.
Sa halip na July 15 ay ginawang August 15 ang deadline.
Batay sa Bar Bulletin Number 4 na nilagdaan ni 2022 Bar Examinations chair Associate Justice Alfredo Benjamin Caguioa, ang pagpapalawig sa deadline ay matapos silang maimpormahan hinggil sa academic calendars ng mga law schools.
May ilang law schools aniya na late nang magtatapos ang academic school year.
Sa pagpapalawig ng deadline sa pagsusumite ng aplikasyon, mas mabibigyan aniya ng sapat na panahon ang mga interesadong kumuha ng bar exams. (DDC)
