Hiling para maitaas ang presyo ng de-latang sardinas, kape, instant noodles isinumite na sa DTI

May mga kahilingan na para sa pagtaas ng presyo ng ilang produkto.

Kinumpirma ito ni Department of Trade and Industry (DTI) Usec. Ruth Castelo matapos ang inspeksyon ng kagawaran sa ilang supermarkets sa Maynila.

Ayon kay Castelo, nakatanggap na ang DTI ng hiling para sa price adjustment at sa ngayon ay sumasailalim na ito sa review ng Consumer Protection and Advocacy Bureau.

Tiniyak naman ni Castelo sa publiko na sasailalim ito sa masusing pag-aaral at ang rekomendasyon ay isusumite kay DTI Sec. Fred Pascual.

Kabilang sa hiniling sa DTI ang pagkakaroon ng price adjustment sa de-latang sardinas, kape, instant noodles at iba pa.

Nais ding maitaas ang presyo ng pandesal bunsod ng pagtaas ng presyo ng harina. (DDC)