Mahigpit na pagpapatupad ng truck ban, libreng parking sa Montalban Public Market iniutos ni Mayor Evangelista

Ipinag-utos ni Montalban, Rizal Mayor Ronnie Evangelista ang mahigpit na implementasyon sa truck ban.

Ayon kay Evangelista, istriktong ipatutupad ang truck ban simula 5:00 ng umaga hanggang 10:00 ng gabi. Papayagan lamang na makalabas ang mga truck mula 10:00 ng gabi hanggang 5:00 ng umaga.

Sa nasabing mga oras, hindi dapat papayagan ang pagbiyahe ng mga truck.

Kabilang din sa mahigpit na ipatutupad ang pagtiyak na dokumentado ang mga bumibiyaheng truck palabas at papasok ng Montalban.

Noong weekend ay iniutos din ni Evangelista na gawing libre ang pagparada ng mga pribadong sasakyan sa Pamilihang Bayan ng Montalban.

Nagpaskil ng mga karatula sa Montalban Public Market para abisuhan ang publiko na libreng makapaparada ang mga pribadong sasakyan sa loob ng Pamilihang Bayan. (DDC)