Nag-iisang mananaya wagi ng mahigit P401M na jackpot sa Grand Lotto
Mayroong nag-iisang mananaya ng lotto ang nagwagi sa mahigit P401 million na jackpot prize sa Grand Lotto.
Sa isinagawang draw ng Philippine Charity Sweepstakes Office (PCSO) noong Sabado (July 9) ng gabi, nakuha ng nag-iisang bettor ang winning number combination na 02-18-49-07-19-47.
Kabuuang P401,186,804.80 ang napanalunang jackpot prize ng betttor sa Grand Lotto 6/55.
Ang winning ticket ay binili sa Iloilo City.
Samantala, mayroon ding isang nanalo sa mahigit P5.9 million na jackpot sa 6/42 lotto.
Ang winning ticket ay binili naman sa Naic, Cavite. (DDC)
