Pangulong Marcos nagpatawag na ng unang cabinet meeting
Nagdaos ng unang cabinet meeting ang administrasyon ni Pangulong Ferdinand “Bongbong” Marcos Jr.
Pinangunahan ni Marcos ang cabinet meeting limang araw matapos ang kaniyang inagurasyon.
Nagsimula ang pulong 9:00 ng umaga ng Martes, July 5 na dinaluhan ng mga miyembro ng gabinete.
Si Vice President at DepEd Sec. Sara Duterte ang nanguna sa pananalangin bago ang pagsisimula ng pulong.
Sinimulan ang pulong sa paglalatag ng general situation ng ekonomiya ng bansa.
Tinalakay din sa unang cabinet meeting ang mahahalagang usapin sa Agriculture, Finance, Transportation, at Education sectors. (DDC)
