Mga kumpanya ng langis may rollback sa presyo ng produktong petrolyo ngayong linggo

May aasahang rollback sa presyo ng produktong petrolyo ang mga motorista ngayong linggo.

Sa abiso ng mga kumpanya ng langis mababawasan ng P3 ang presyo ng kada litro ng diesel.

P3.40 naman ang bawas sa presyo ng kada litro ng kerosene.

Habang walang paggalaw sa presyo ng gasolina.

Ipatutupad ang rollback bukas, araw ng Martes (July 5).

Ang rollback ay matapos ang magkakasunod na dagdag sa presyo ng produktong petrolyo sa nakalipas na limang sunod na linggo.

Ayon sa datos mula sa Department of Energy (DOE), umabot na sa P30 ang nadagdag sa presyo ng gasolina.

Habang umabot na sa P45.90 ang nadagdag sa presyo ng diesel. (DDC)