DOH nakapagtala ng 1,323 na bagong kaso ng COVID-19

Umabot sa 1,323 ang naitalang bagong kaso ng COVID-19 sa bansa araw ng Linggo, July 3.

Ito na ang pinakamataas na daily cases sa nakalipas na apat na buwan o mula noong February 25. Sa 1,323 na bagong kaso, 663 ay mula sa NCR.

Dahil dito ayon sa Department of Health (DOH), umakyat na sa3,708,271 ang kabuuang kaso ng COVID-19 na naitatala sa bansa.

Tumaas din ang bilang ng mga aktibong kaso sa 9,703. Nakapagtala din ang DOH ng 14 dagdag na nasawi dahil sa sakit.

Ang kabuuang bilang ng gumaling ay umabot na sa 3,637,976. (DDC)