Mga nakasama sa trabaho sa OVP pinasalamatan ni Leni Robredo

Pormal na ring nagtapos ang panunungkulan bilang bise presidente ni Leni Robredo.

Ayon kay Robredo, sa kaniyang huling araw sa puwesto, mixed emotions siya pero nangibabaw sa lahat ang pasasalamat sa pagkakataon na ibinigay sa kaniya para makapaglingkod.

Nagpasalamat si Robredo dahil biniyayaan siya ng mga kasama sa trabaho na matitino at mahuhusay na lingkod bayan.

Ito aniya ang isa sa mga dahilan kung bakit malungkot ang pagtatapos ng kaniyang termino dahil pagkatapos ng 6 na taon na pagsasama ay maghihiwa-hiwalay na sila.

Pinasalamatan din ni Robredo ang taong araw araw niyang kasama at kasalamuha sa personal man o opisyal na lakad.

Kabilang dito ang kaniyang mga close-in, aide de camp, security officer, at driver. (DDC)