Coast Guard nagsagawa ng maritime patrol operations sa Manila Bay bilang paghahanda sa inagurasyon ni BBM
Nagsagawa ng maritime patrol operations ang mga tauhan ng Philippine Coast Guard (PCG) sa Manila Bay.
Ito ay bilang paghahanda sa nalalapit na inagurasyon ni President-elect Ferdinand “Bongbong” Marcos Jr.
Layon nitong masiguro na magiging maayos ang malawakang pagpapatrolya para sa kaayusan, seguridad, at kaligtasan sa inagurasyon ni Marcos sa June 30.
Samantala, nakilahok din ang PCG sa idinaos na simulation execrise ngayong Lunes, June 27 na bahagi pa rin ng paghahanda sa inagurasyon.
Maliban sa PCG ay lumahok sa simulation exercise ang mga pulis at sundalo na magpapanatili ng kaayusan para sa aktibidad. (DDC)
