DOH nakapagtala ng 848 na bagong kaso ng COVID-19; aktibong kaso mahigit 6,700 na
Umabot sa 848 ang naitalang bagong kaso ng COVID-19 sa bansa araw ng Linggo, June 26.
Ito na ang pinakamataas na daily cases sa nakalipas na tatlong buwan o mula noong March 6.
Sa 848 na bagong kaso, 397 ay mula sa NCR.
Dahil dito ayon sa Department of Health (DOH), umakyat na sa 3,700,876 ang kabuuang kaso ng COVID-19 na naitatala sa bansa.
Tumaas din ang bilang ng mga aktibong kaso sa 6,761.
Nakapagtala din ang DOH ng 11 dagdag na nasawi dahil sa sakit.
Ang kabuuang bilang ng gumaling ay umabot na sa 3,633,597. (DDC)
