716 na bagong kaso ng COVID naitala ng DOH; pinakamataas na daily cases sa nakalipas na 3-buwan
Umabot sa 716 ang naitalang bagong kaso ng COVID-19 sa bansa araw ng Huwebes, June 23.
Ito na ang pinakamataas na daily cases sa nakalipas na tatlong buwan o mula noong March 7.
Dahil dito ayon sa Department of Health (DOH), umakyat na sa 3,698,509 ang kabuuang kaso ng COVID-19 na naitatala sa bansa.
Tumaas din ang bilang ng mga aktibong kaso sa 5,523.
Nakapagtala naman ng 11 dagdag na nasawi.
Ang kabuuang bilang ng gumaling ay umabot na sa 3,632,491. (DDC)
