Voter’s registration muling isasagawa mula July 4 hanggang 23

Magpapatuloy ang voter’s registration simula July 4 hanggang 23, 2022 ayon sa desisyon ng Comelec en banc.

Sinabi ni Comelec spokesperson Rex Laudiangco, wala pang isang buwan ang pagpapatuloy ng voter’s registration dahil sa ilalim ng RA 8189 o Continuing Voter’s Registration Act, bawal ang pagsasagwa ng voter registration 120 days bago ang eleksyon.

Sa Dec. 5, 2022 ay nakatakda ang pagdaraos ng Barangay and Sangguniang Kabataan Elections (BSKE).

Sa ngayon ayon sa Comelec, tuloy ang pagdaraos ng Barangay at SK elections sa Disyembre.

Ito ay sa kabila na may ilang mambabatas kabilang si House Majority Leader Martin Romualdez na magiging susunod na house speaker ang pabor na ipagpaliban muli ang nasabing eleksyon. (DDC)