SUV driver na nanagasa sa security guard sa Mandaluyong nagsumite ng counter affidavit sa piskalya
Nagsumite ng kaniyang counter affidavit sa Mandaluyong City Prosecutor’s Office ang SUV driver na si Jose Antonio Sanvicente.
Si Sanvicente ang driver ng SUV na nanagasa sa security guard sa Mandaluyong City.
Nagtungo sa piskalya ang driver kasama ang kaniyang abogado para magsumite ng counter affidavit.
Sa kaniyang counter affidavit sinabi ng SUV driver na aksidente ang pagkakabangga niya kay Christian Floralde.
Pag-aaralan ng piskalya ang mga ebidensya at testimonya ng magkabilang panig para matukoy kung may sapat na basehan upang isulong ang kaso sa korte laban kay Sanvicente. (DDC)
