Concert ni Alanis Morissette sa Pilipinas sa Nobyembre, kinansela
Hindi na matutuloy ang concert ni Alanis Morissette sa bansa na nakatakda sana sa Nobyembre.
Sa kaniyang Facebook, inanunsyo ng singer na kanselado ang kaniyang “Jagged Little Pill Anniversary” sa Pilipinas.
Ililipat aniya sa ibang petsa ang concert pero hindi binanggit ni Morissette kung kailan.
Sinabi ni Morissette na hindi na siya makapaghintay na makapunta ng Pilipinas subalit sadyang hindi ito posible sa Nobyembre.
Ang mga nakabili na ng ticket ay maaari nang mag-refund. (DDC)
