LPA sa Palawan magpapaulan sa ilang bahagi ng bansa
Magpapaulan sa ilang bahagi ng bansa ang Low Pressure Area na binabantayan ng PAGASA.
Ang LPA ay huling namataan sa bisinidad ng Puerto Princesa City, Palawan at nakapaloob ito sa Inter Tropical Convergence Zone.
Sa weather forecast ng PAGASA ngayong araw, ang Cagayan at Quezon ay makararanas ng kalat-kalat na pag-ulan at thunderstorms dahil sa LPA.
LPA at ITCZ naman ang magpapaulan sa Occidental Mindoro, Palawan, Eastern Visayas, Caraga at Davao Region.
Sa Metro Manila at nalalabing bahagi ng bansa, localized thunderstorms lamang ang iiral na magdudulot ng isolated na pag-ulan. (DDC)
