3,051 na bagong kaso ng COVID-19 naitala ng DOH; mas mataas ng 82 percent kumpara noong nakaraang linggo

Nakapagtala ng 3,051 na bagong kaso ng COVID-19 sa bansa mula June 13 hanggang June 19, 2022.

Ang datos ayon sa Department of Health (DOH) 82 percent itong mas mataas kumpara sa naitalang mga bagong kaso noong June 6 hanggang June 12.

Ayon sa DOH, sa 3,051 na bagong mga kaso, 15 ang severe at critical cases.

Habang nakapagtala naman ng 6 na dagdag na nasawi .

Samantala, iniulat din ng DOH na mayroon nang 70,032,274 na fully vaccinated individuals.

Umabot naman na sa 14,853,657 ang nakatanggap ng booster shots. (DDC)