Sen. De Lima nakiramay sa pagpanaw ng Pinoy na biktima ng pamamaril sa Philadelphia
Nagpaabot ng pakikiramay is Senator Leila De Lima sa pagpanaw ng dati nitong staff na biktima ng pamamaril sa Philadelphia.
Ayon kay De Lima, si Atty. John “Jal” Laylo ay naging bahagi ng kaniyang legislative eam sa loob ng dalawang taon.
Sinabi ni De Lima na mabuting to at mahusay na katrabaho si Laylo na tinawag niyang “a man of high energy and vibrant spirit”.
Nakisimpatya si De Lima sa naulilang pamilya ni Laylo.
Sinabi ni De Lima na dasal niya ang katatagan at kapanatagan ng naiwang pamilya.
Si Laylo kasama ang kaniyang ina ay nabiktima ng random shooting sa Philadelphia.
Lulan sila ng Uber car nang biglang may namaril. Nagtamo si Laylo ng tama ng bala sa kaniyang ulo na kaniyang ikinasawi.
Nasugatan naman ang kaniyang ina makaraang magtamo ng shrapnel mula sa nabasak na salamin ng sasakyan. (DDC)
