Pinoy na biktima ng ramdom shooting sa US pumanaw na
Pumanaw na ang abogadong Pinoy na nabiktima ng pamamaril sa Philadelphia USA.
Nasawi si Atty. John Albert Laylo habang ginagamot sa Penn Presbyterian Medical Center matapos magtamo ng tama ng bala sa kaniyang ulo.
Ang pagpanaw ni Laylo ay kinumpirma ng kaniyang ina na si Leah Laylo na nasugatan din sa nasabing insidente.
Nagbakasyon lamang sa Philadelphia ang mag-ina at patungo na sa Chicago Airport para sa kanilang flight nang biglang may namaril sa sinasakyan nilang Uber car.
Una nang kinondena ni Foreign Affairs Sec. Teodoro Locsin Jr. ang nangyari.
“The Americans just killed another Filipino,” ayon sa Tweet ni Locsin.
Tiniyak din ng DFA ang pagtulong sa pamilya ni Laylo sa mga pangangailangan nito. (DDC)
