Dating Senador Juan Ponce Enrile magsisilbing Chief Presidential Legal Counsel sa ilalim ng Marcos admin

Hinirang ni incoming President Ferdinand “Bongbong” Marcos Jr. si dating Senate President Juan Ponce Enrile bilang Chief Presidential Legal Counsel.

Kinumpirma ni incoming Presidential Communications Operations Office Secretary Trixie Angeles na manunungkulan ang 98-anyos na si Enrile ng anim na taon sa ilalim n gMarcos administration.

Ayon kay Angeles, nangako si Enrile na patuloy na magsisilbing sa bayan at tinitiyak na magiging matagumpay ang administrasyong Marcos.

Kilalang tagasuporta ni Marcos at ni incoming Vice President Sara Duterte si Enrile.

Noong 2016 ay nagretiro sa pulitika si Enrile.

Nagsilbing kalihim ng Department of National Defense si Enrile noong panahon ni dating Pangulong Ferdinand Marcos Sr. (DDC)