SC Justice Maria Filomena Singh nagpositibo sa COVID-19; iba pang mahistrado ng SC naka-quarantine
Kinumpirma ng Korte Suprema na nagpositibo sa COVID-19 si Supreme Court Associate Justice Maria Filomena Singh.
Sa inilabas na pahayag ng SC Public Information Office (SC-PIO), fully vaccinated na si Singh at nakatanggap na din ng kaniyang booster.
Nakaranas ng mild na sintomas si Singh.
Ayon sa SC, lahat ng mahistrado at staff na dumalo sa SC En Banc noong Martes, June 14 ay nakasailalim na sa quarantine.
Sasailalim sila sa COVID-19 test pagkatapos ng incubation period.
Wala naman sa kanila ang nakitaan ng sintomas.
Ang mga staff naman ni Singh ay naabisuhan na din at pinayuhang sundin ang health precautions.
Linggu-linggong sumasailalim sa antigen COVID-19 testing ang mga opisyal at empleyado ng SC. (DDC)
