Driver na nanagasa sa security guard sa Mandaluyong City sumuko na sa PNP
Sumuko na sa mga otoridad ang driver at may-ari ng SUV na nanagasa sa security guard sa Mandaluyong City.
Sa pagharap niya sa media, humingi ng paumanhin si Jose Antonio Sanvicente sa gwardyang si Christian Joseph Floralde at sa kaniyang pamilya.
Sumuko si Sanvicente kay PNP officer-in-charge Lt. Gen. Vicente Danao Jr. sa Camp Crame kasama ang kaniyang magulang at abogado.
Isinailalim din muna sa kostodiya ng PNP Highway Patrol Group ang SUV ni Sanvicente.
Nakasampa na ang reklamong frustrated murder at abandonment of one’s own victim ang suspek. (DDC)
