Konstruksyon ng LRT-MRT Common Station patapos na ayon sa DOTr

Inaasahang matatapos na ngayong buwan ang konstruksyon ng Common Station sa bahagi ng North EDSA sa Quezon City.

Ayon kay Department of Transportation (DOTr) Sectary Art Tugade, nalalapit na ang pagtatapos ng kontsruksyon ng Unified Grand Central Station o Common station na magdudugtong sa apat na malalaking rail lines sa Metro Manila – ang LRT-1, MRT-3, MRT-7 at Metro Manila Subway.

Inaasahan ayon kay Tugade na ngayng buwan ng Hunyo ay makukumpleto na ang proyekto.

Ang Common Station ay isang intergrated o interoperable station na kung saan bukod sa tren, makikita rin dito ang sakayan para sa pampublikong sasakyan na makapagbibigay ng maginhawang at maayos na sistema para sa mga pasahero. (DDC)