May-ari ng SUV na nanagasa sa security guard sa Mandaluyong isinailalim sa lookout bulletin ng DOJ
Nagpalabas na ng lookout bulletin ang Deparmtent of Justice (DOJ) laban sa driver ng SUV na nanagasa sa isang security guard sa Mandaluyong City.
Ayon kay Justice Sec. Menardo Guevarra, ipinalabas ang lookout bulletin tanghali ng Martes, June 14.
Inilalabas ang lookout bulletin para mabantayan ang pagbiyahe ng isang indibidwal.
Una nang hiniling ng Mandaluyong City Prosecutors Office sa DOH na mag-isyu at ilagay sa Immigration Lookout Bulletin Order ang may-ari ng sasakyan na si Jose Antonio San Vicente.
Si San Vicente na siyang rehistradong may-ari ng SUV ay inireklamo ng reckless imprudence resulting to frustrated homicide.
Noong Lunes ay kinansela na ng Land Transportation Office ang kanyang drivers license matapos na hindi siya sumipot at binalewala ang dalawang summon ng LTO. (DDC)
