10-taon gulang na batang babae nabaril at napatay ang isang ginang na nakaaway ng kaniyang ina

Inaresto ang isang 10 taon na batang babae sa Florida matapos mabaril umano nito ang babaeng kaaway ng kaniyang ina.

Ayon sa Orlando Police Department, isinailalim sa kostodiya ng juvenile detention center ang bata, habang ang kaniyang ina ay inaresto at nahaharap sa mga kaso.

Batay sa imbestigasyon, noong May 30, nagluluto ang 41 anyos na si Lashum Rodgers kaama ang kaniyang boyfriend para sa pagdiriwang ng Memorial Day.

Dumating naman ang 31 anyos na si Lakrisha Isaac kasama ang kaniyang anak at nakipagtalo kay Rodgers.

Habang nag-aaway ang dalawa, kinuha ng bata ang baril sa bag ni Isaac at saka ito pinaputok.

Dalawang beses nagpaputok ng baril ang bata at tinamaan sa ulo si Rodgers na ikinasawi nito.

Matapos ito ay kinuha ni Isaac ang baril sa bata at saka itinutok sa boyfriend ni Rodgers.

Nahaharap si Isaac sa kasong manslaughter, child neglect, contributing to the delinquency of a minor at aggravated assault. (DDC)