Korean actor Kim Soo-hyun nasa bansa na para sa nakatakdang fan meet
Dumating na sa bansa ang aktor na si Kim Soo-hyun para sa nakatakda nitong fan meet.
Alas 10:00 ng gabi ng Miyerkules (June 8) nang dumating sa Ninoy Aquino International Airport (NAIA) Terminal 1 ang Korean actor.
Isasagawa bukas, June 10 ang fan meeting na tinaguriang “One Extraordinary Day” sa Mall of Asia sa Pasay City.
Ang kumpanyang Bench ang nag-organisa ng fan meet dahil endorser nila ang aktor.
Kabilang sa mga Korean drama na pinagbidahan ni Kim ang “My Love from the Star”, “It’s Okay to Not Be Okay” at “One Ordinary Day”. (DDC)
