Drive-thru COVID-19 vaccination at testing center sa Quirino Grandstand isinara na

Inalis na ang drive-thru COVID-19 vaccination at testing center sa Quirino Grandstand sa Maynila.

Binaklas na ang mga tent at barikada na ginagamit para sa vaccination at testing site.

Sa datos ng Manila Public Information Office, umabot sa 87,844 na katao ang nabakunahan sa nasabing vaccination site.

Kabuuang 43,165 na mga sasakyan ang pumila sa drive thru.

Sa huling araw ng operasyon nito araw ng Lunes (June 6), umabot sa 620 ang nagpabakuna.

Magpapatuloy naman ang operasyon ng Manila COVID-19 Field Hospital sa Quirino Grandstand. (DDC)