Mahigit 20 milyong pasahero nakinabang sa libreng sakay sa MRT-3
Umabot na sa mahigit 20 milyong pasahero ang naserbisyuhan ng libreng sakay sa MRT-3 simula nang ipatupad ito noong March 28.
Ayon sa datos ng MRT-3, umabot na sa 20,082,702 ang kabuuang bilang ng mga pasaherong nakinabang sa libreng sakay.
Sa loob ng nakalipas na siyam na araw, umaabot sa mahigit 350,000 ang weekday ridership ng tren.
Simula noong July 16, 2020 walang naitatalang unloading incidents sa MRT-3. (DDC)
