Mt. Bulusan maaring muling magkaroon ng pagsabog sa susunod na mga araw
Posibleng magkaroon muli ng pagsabog ang Mt. Bulusan sa mga susunod na araw, ayon sa Phivolcs.
Pero sinabi ni Phivolcs Director Renato Solidum Jr. na hindi pa itataas sa Alert Level 2 ang bulkan.
Ito ay dahil wala pang indikasyon na mayroon nang presensya ng magma sa aktibidad ng bulkan.
Mababa pa din ayon kay Solidum ang nasukat na sulfur dioxide mula sa bulkan.
Sa kabila nito paalala ni Solidum, dapat ay mahigpit na sundin ang pagbabawal na mapasok ang Permanent Danger Zone. (DDC)
