May-ari ng SUV na nang-hit and run sa isang guwardya sa Mandaluyong, natukoy na ng LTO
Nagpalabas ng show cause order ang Land Transportation Office – National Capital Region sa may-ari ng SUV na nanagasa sa isang guwardya sa Mandaluyong City.
Ayon kay LTO-NCR Regional Director Att.y Clarence Guinto, agad nagtakda ng pagdinig ang LTO sa Martes, June 7.
Ayon sa LTO, natukoy ang pagkakakilanlan ng may-ari ng kulay puting Toyota RAV 4 sa pamamagitan ng plate number nito na NCO 3781.
Nagpasalamat naman ang LTO sa netizens na nag-upload ng video.
Sa video footage, makikitang nabangga ng SUV ang biktimang si Christian Joseph Floralde pero sa halip na huminto ay umabante pa ang sasakyan dahilan para magulungan pa ang biktima. (DDC)
