Pamamahgi ng face masks sa mga naapektuhan ng pagputok ng Bulkang Bulusan iniutos ng DOH

Ipinag-utos ni Health Sec. Francisco Duque III ang pamamahagi ng face masks at iba pang suplay sa mga residenteng naapektuhan ng pagputok ng Bulkang Bulusan sa Sorsogon.

Ayon kay Duque, ang mga face mask ay ipamimigay sa mga evacuation center.

N-95 masks at N-88 surgical masks aniya ang ipamamahagi para maprotektahan ang mga residente sa ashfall mula sa bulkan.

Pumutok ang Bulkang Bulusan Linggo (June 5) ng umaga at tumagal ng 16 na minuto ang pag-aalburuto nito. (DDC)