TINGNAN: Ilang barangay sa Juban, Sorsogon nabalot ng abo
Nabalot ng abo ang ilang mga barangay sa bayan ng Juban, Sorsogon matapos ang pagputok ng Bulkang Bulusan ngayong umaga.
Sa mga larawang ibinahagi ng Sorsogon Provincial Information Office, nag-kulay abo ang mga kabahayan, mga puno at kalsada sa Barangay Bacolod at Buraburan sa bayan ng Juban.
Inabisuhan ng provincial government ang mga motorista na iwasan munang bumiyahe kung hindi naman kinakailangan papunta sa mga apektadong lugar sa mga bayan ng Juban.
Kabilang dito ang mga barangay Puting Sapa, Buraburan, Catanusan, Anyog, Mabini, Rangas, Calateo, Sipaya, Aroroy at Maalo, gayundin ang bayan ng Irosin.
Pinayuhan din ang mga residente na magsuot ng face mask sa lahat ng oras ay iwasan ang hindi importanteng paglabas. (DDC)
