Mt. Bulusan sa Sorsogon pumutok; Alert level 1 itinaas ng Phivolcs

Mula sa Alert Level 0 (Normal) ay itinaas ng Phivolcs ang Alert Level 1 (Low-level unres) sa Mt. Bulusan sa Sorsogon.

Ito ay makaraang pumutok ang bulkan dakong 10:37 ng umaga araw ng Linggo, June 5.

Ayoon sa Phivolcs, nagbuga ng abo ang bulkan na ang taas ay umabot sa isang kilometro.

Bago ang pagputok, nakapagtala ng 77 volcanic earthquake sa Mt. Bulusan sa nakalipas na magdamag.

Pinayuhan ng Phivolcs ang publiko na iwasan ang pagpasok sa 4 kilometer radius permanent danger zone ng bulkan.

Pinayuhan din ang civil aviation authorities na na maglabas ng abiso sa mga piloto na iwasan ang paglipad sa ibabaw ng summit ng bulkan. (DDC)