Senator-elect Robin Padilla naospital sa Spain habang namamasyal kasama ang pamilya

Dinala sa ospital sa Spain si Senator-elect Robin Padilla matapos tumaas ang presyon habang namamasyal kasama ang kanilang mag-iina.

Kuwento ni Padilla sa kaniyang Facebook bigla na lamang nagdilim ang kaniyang paningin at hilonh-hilo ang kaniyang pakiramdam.

Nahirapan din siyang huminga at nanikip ang dibdib.

Sa mga sandaling iyon ayon kay Padilla, nasa rides ang misis niyang si Mariel kasama ang anak nilang si Isabela.

Maswerteng may clinic sa lugar na agad niyang pinuntahan at nang kuhanan siya ng BP ay umabot ito sa 200/150.

Tumawag aniya ng ambulansya ang nurse ng clinic, at kalaunan ay dinala din siya sa ospital.

Nagpasalamat si Ppadilla sa tulong ni Philippine Ambassador to Spain Philippe Jones Lhuillier.

Agad ding na-discharge sa ospital si Padilla matapos resetahan ng gamot para sa high blood pressure. (DDC)