TINGNAN: Group photo ng mga senador sa huling sesyon ng 18th Congress
Nag-group picture ang mga senador sa idinaos na huling araw ng kanilang sesyon para sa 18th Congress.
Sa idinaos na huling sesyon, nag-adopt ng kanilang resolusyon ang mga senador kung saan binibigyang pagkilala ang kanilang mga kapwa senador na magtatapos ang termino sa June 30.
Hanggang June 30 na lang ang termino nina Senate President Vicente Sotto III, Senate President Pro Tempore Ralph Recto, Minority Leader Franklin M. Drilon, Sens. Ping Lacson, Dick Gordon, Kiko Pangilinan, Manny Pacquiao, at Leila de Lima.
Sa huling pagkakataon, nagsalita sa chamber si Sotto kung saan sinabi nitong ang kaniyang paninilbihan bilang senate presidente ang itinuturing niyang highlights ng kaniyang career bilang public servant.
Umapela si Sotto sa incoming senators na panatilihin ang integridad ng senado at huwag hayaang mabahiran ng pulitika ang serbisyo publiko.
Sa kabuuan ay 24 na taon na nanilbihan bilang senador si Sotto. (DDC)
