Limang appointees ni Pangulong Duterte na-bypass na ng CA
Limang Duterte appointees kabiang ang tatlong opisyal ng Commission on Elections (Comelec) ang na-bypass na ng Commission on Appointments (CA).
Kabilang sa mga hindi na nakumpirma ng CA ang sumusunod na mga opisyal:
– Commission on Audit (COA) Chairperson Rizalina Noval Justol
– Civil Service Commission Chairperson Karlo Alexei Nograles
– Commission on Elections Chairperson Saidamen Pangarungan
– Comelec Commissioner Aimee Torrefranca-Neri
– Comelec Commissioner George Erwin Garcia
Nag-adjourn na ng sessyon ang Kongreso at ang CA ay hindi na makapagsasagawa ng pagdinig at deliberasyon kaya technically, bypassed na ang appointments ng limang opisyal.
Sa isinagawang pagdinig noong Lunes, sinabi ni Senator Juan Miguel Zubiri na dapat bigyan ng tsansa si President-elect Ferdinand Marcos Jr., na makapili ng itatalaga opisyal. (DDC)
