PNP nagtaas ng full alert matapos ang magkakasunod na pagsabog sa Mindanao

Nagtaas ng full alert ang Philippine National Police (PNP) matapos ang magkakasunod na pagsabog na naitala sa Mindanao.

Ayon kay PNP officer-in-charge Police Lt. Gen. Vicente Danao, layon ng pagtataas ng alerto na maharang ang posibleng terror attacks lalo na sa Metro Manila.

Patuloy ang imbestigasyon ng PNP sa insidente ng pagpapasabog sa Koronadal City, South Cotabato noong May 26.

Inaalam pa din kung teroristang grupo ang nasa likod ng pagpapasabog.

Maliban sa pagsabog sa Koronadal City, nakapagtala din ng pagsabog sa Tacurong City, Sultan Kudarat sa parehong petsa.

Noong Lunes naman, dalawang magkasunod na pagsabog ang naganap sa Isabela City, Basilan. (DDC)