Limang bagong kaso ng Omicron subvariant BA.2.12.1 naitala sa Western Visayas

Nakapagtala ang Department of Health (DOH) ng karagdagang limang kaso ng Omicron subvariant BA.2.12.1.

Sa kabuuan ayon sa DOH ay umabot na sa 22 ang naitatalang kaso ng BA.2.12.1 sa bansa.

Ang limang bagong kaso ay pawang mula sa Western Visayas na kinabibilangan ng tatlong returning overseas Filipinos na galing U.S.

Habang ang dalawa naman ay kapwa local cases.

Ang limang bagong kaso ay pawang fully vaccinated na.

Ang nag-iisa namang kaso ng Omicron subvariant BA.4 na naitala sa bansa ay nanatiling asymptomatic at fully recovered na. (DDC)