Isa sugatan sa magkasunod na pagsabog na naganap sa Isabela City, Basilan

Isa ang naitalang nasugatan sa dalawang magkasunod na pagsabog na naganap sa Isabela City sa Basilan.

Ayon kay Isabela City Mayor Sitti Djalia Turabin-Hataman, mayroon lamang isa na nagtamo ng minor injuries na agad nadala sa ospital para magamot.

Sinabi ni alkalde na patuloy na ang ginagawang imbestigasyon ng mga otoridad sa insidente.

Nanawagan ito sa mga residente sa lugar na maging mapagmatyag at manatiling kalmado.

Sa ulat ng Isabela City Disaster Risk Reduction and Management Office, nangyari ang magkasunod na pagsabog Lunes (May 30) ng hapon.

Ang unang pagsabog ay naganap sa likurang bahagi ng isang fast food chain sa pagitan ng 5:33 hanggang 5:45 ng hapon.

Ang ikalawang pagsabog naman ay naganap 6:13 ng gabi sa pasilidad ng D’ Biel Bus Transpo. (DDC)