DILG umapela sa Facebook na i-block ang mga account na may kaugnayan sa ilegal na e-sabong
Pinakikilos ng Department of the Interior and Local Government (DILG) ang pamunuan ng Facebook laban sa mga ilegal na e-sabong pages at accounts.
Sumulat na si DILG Usec. Jonathan Malaya sa Meta para hilingin na i-block ang mga page, group, at accounts na sangkot sa illegal e-sabong.
Umaasa ang DILG na agad itong aaksyunan ng Facebook at sususpindihin ang mga page na sangkot sa aktibidad ng illegal sabong.
Isinumite din ng DILG sa Facebook ang listahan ng pitong Facebook pages, groups at accounts na nauna nang natukoy ng PNP Anti Cyber Crime Group na nag-ooperate ng illegal e-sabong. (DDC)
