Bangka at cargo vessel nagkabanggaan sa Palawan, pitong mangingisda ang nawawala

Pitong mangingisda ang napaulat na nawawala matapos magkabanggaan ang sinasakyan nilang bangka sa karagatang sakop ng Agutuya, Palawan

Sa maritime report ng Philippine Coast Guard, nakabanggaan ng isang Filipino fishing vessel ang MV Happy Hiro na may watawat ng Marshall Islands.

Ayon kay Coast Guard spokesperson Commodore Armand Balilo, 13 sa 20 mangingsda na sakay ng FB JOT-18 ang nailigtas, habang ang 7 ay nawawala pa.

Ang 12 sa mga nailigtas ay pawang nagtamo ng galos sa katawan, habang ang isa ay mayroong sugat sa ulo.

Nagsasagawa ng search and rescue operations ang BRP Suluan katuwang ang mga tauhan ng Coast Guard Sub Station Cuyo at Sub Station Agutay. (DDC)