PNP nagpahayag ng buong suporta sa papasok na administrasyon
Tiniyak ni Police Lt. Gen. Vicente Danao, officer-in-charge sa Philippine National Police na buo ang suporta ng pambansang pulisya kina president-elect Ferdinand “Bongbong” Marcos Jr. at vice president-elect Sara Duterte.
Sa pahayag, sinabi ni Danao na kaisa ang 225,000 na mga opisyal at tauhan ng PNP ay nagpapaabot sila ng pagbati kina Marcos at Duterte.
Sinabi ni Danao na buo ang suporta ng PNP sa susunod na administrasyon at patuloy na gagampanan ang tungkulin na protektahan ang sambayanan.
Mananatili aniyang faithful at loyal ang PNP sa Konstitusyon, Watawat at sa duly constituted authorities sa pagpapatupad ng law enforcement at pagtitiyak ng public safety. (DDC)
