Drug war ipinatutuloy ni Pangulong Duterte kay Marcos
Hiniling ni Pangulong Rodrigo Duterte kay President-elect Ferdinand “Bongbong” Marcos Jr. na ipagpatuloy nito ang kaniyang nasimulang war on drugs.
Sa kaniyang unang press conference matapos maiproklama, sinabi ni Marcos na bago ang halalan ay nagkausap sila ni Pangulong Duterte.
Binilinan umano siya ng pangulo na ituloy ang war on drugs para matiyak na hindi masisira ang buhay ng mga kabataan.
Humingi rin aniya ng pang-unawa si Pangulong Duterte dahil ang lahat ng resources ng gobyerno ay ginamit na para ipang-ayuda sa mga pinakamahihirap na pamilya. (DDC)
