Dagdag sahod sa mga manggagawa sa MIMAROPA epektibo sa June 10

Simula sa June 10, 2022 ipatutupad na ang dagdag sahod sa mga manggagawa sa MIMAROPA.

Dagdag na P35 ang inaprubahan ng Regional Tripartite Wages and Productivity Board sa MIMAROPA para sa minimum wage sa rehiyon.

Naisapubliko ang wage order noong May 25, at magiging epektibo sampung araw matapos ang pagsasabuliko.

Dahil sa inaprubahang wage increase ang daily minimum wage sa mga establisyimento na mayroong 10 empleyado pataas ay magiging P355 na mula sa kasalukuyang P320.

Ang minimum wage naman sa mga establisyimento na ang empleyado ay mas mababa lang sa 10 ay magiging P329 mula sa P294. (DDC)