Kongreso nag-convene na bilang NBOC; canvassing ng boto sa presidente at bise presidente inumpisahan na

Sinimulan na ng kongreso ang canvassing ng boto para sa presidential at vice presidential race.

Pinangunahan nina Senate President Tito Sotto III at House Speaker Lord Allan Velasco ang pag-convene ng dalawang kalupungan bilang National Board of Canvassers (NBOC).

Dalawampung senador at 296 na kongresista ang present at naideklara ang quorum.

Inaprubahan din agad ang rules para sa joint public session sa isasagawang canvassing.

Nagtalaga si Velasco ng labingisang kongresista na magsisilbi bilang regular at alternate members ng Joint Committee.

Kabilang sa mga regular members ang mga sumusunod:

– Majority Leader Ferdinand Martin Romualdez
– Rep. Jesus Crispin “Boying” Remulla
– Rep. Abraham “Bambol” Tolentino
– Rep. Kristine Singson-Meehan
– Rep. Sharon Garin
– Rep. Manuel Jose “Mannix” Dalipe
– Rep. Juliet Marie De Leon Ferrer

Magsisilbi namang alternate members sina:

– Rep. Juan Pablo “Rimpy” Bondoc
– Rep. John Ty Pimentel
– Rep. Alfredo Garbin Jr.
– Rep. Stella Luz Quimbo

Sa panig ng senado, itinalaga ni Sotto bilang regular members sina Senators Juan Miguel Zubiri, Nancy Binay, Franklin Drilon, Imee Marcos, Grace Poe, Ralph Recto, at Pia Cayetano.

Habang sina Senators Manuel “Lito” Lapid, Risa Hontiveros, Koko Pimentel, at Ronald “Bato” dela Rosa ang magsisilbing alternate members. (DDC)