MRT7 full operation na sa 2023 ayon sa DOTr
Sa taong 2023 ay inaasahang full operation na ang Metro Rail Transit Line 7 (MRT7) na may biyaheng mula North Avenue sa Quezon City hanggang sa San Jose Del Monte sa Bulacan.
Sa Laging Handa public briefing, sinabi ni Department of Transportation (DOTr) Undersecretary Timothy Batan, nasa 65 percent nang kumpleto ang konstruksyon ng MRT7.
Sa December 2022 ay inaasahang handa na ito para sa partial operation.
Inaasahang bababa sa 30 minuto na lamang mula sa kasalukuyang dalawang oras ang travel time mula San Jose Del Monte patungong North Avenue.
Mayroon itong labing walong train cars o bagon.
Ayon kay Batan, inaasahang makapagseserbisyo ito sa 300,000 na mga pasahero kada araw sa unang isang taon ng pagbiyahe nito. (DDC)
