Sperm Whale na 60 feet ang haba natagpuang walang buhay sa baybayin ng Davao Occidental
Nakitang walang buhay at puro sugat sa katawan ang isang malaking Sperm Whale sa baybayin ng Davao Occidental.
Ang patay na sperm whale ay natagpuan ng dalawang mangingisda kahapon (May 21) sa Sitio Sakalig, Brgy. Sugal sa bayan ng Jose Abad Santos.
Ayon sa Department of Environment and Natural Resources (DENR), dalawang mangingisda ang nakakita sa sperm whale.
May haba itong 60 feet at 9 feet ang lapad. Maraming sugat na nakita sa katawan nito.
Ayon sa DENR, maaring patay na ang Sperm Whale nang mapadpad ito sa baybaying dagat.
Ayon sa Provincial Disaster Risk Reduction Management Office magsasagawa ng deboning sa Sperm Whale sa pangunguna ng Davao Museum and the Municipal Disaster Risk Reduction Management Office (MDRRMO). (DDC)
