Mga nagreretirong JO workers sa Pasig City tumatanggap na ng retirement benefits
Nakatatanggap na ng retirement benefits ang mga nagreretirong Job Order workers sa pamahalaang lungsod ng Pasig.
Ayon kay Pasig City Mayor Vico Sotto, kung noon, “T.Y.” lamang ang natatangaap ng mga nagreretirong JO workers, ngayon ay mayroon na silang gratuity pay.
P10,000 kada taon sa serbisyo aniya ang inilaan ng Pasig City local government para sa retirement pay ng JO workers.
Pasasalamat aniya ito ng LGU sa kanilang serbisyo sa pamahalaan. Ani Sotto karamihan sa kanila ay street sweepers, health aides at health workers.
Sa ngayon ani Sotto umabot na sa 158 na retiree ang tumanggap ng retirement pay. (DDC)
