LGU ng San Mateo, Rizal handa na sa transition para sa magiging susunod na alkalde ng bayan
Nagpadala na ng liham si San Mateo, Rizal acting Mayor Paeng Diaz kay Mayor-Elect Omie Rivera hinggil sa paghahanda para sa napipintong transition.
Nag-convene na din ang Local Governance Transition Team ni Diaz para masiguro ang maayos na turnover.
Ang Municipal Treasurer, Municipal Accountant at OIC Head ng General Services Office ang mamamahala sa transition process.
Bago ang official turn-over ceremony sa June 30, 2022, sinabi ni Diaz na magkakaroon ng coordination meeting para sa technical working group at transition team ng bagong pamunuan.
Magugunitang tinapos ni Rivera ang dekada nang pamamayagpag ng mga Diaz sa pulitika sa bayan ng San Mateo.
Si Paeng Diaz ay nagsilbing mayor sa San Mateo mula 2007 hanggang 2016.
Naging vice mayor naman ito mula 2016 hanggang sa kasalukuyan.
Ang kaniyang asawang si Cristina Diaz ang mayor mula 2016 hanggang sa kasalukuyan.
Natalo din si Cristina sa kaniyang kandidatura bilang kongresista sa San Mateo at ang nanalo ay si dating MMDA General Manager Jojo Garcia. (DDC)
